ياترى إيه الفرق بين إدارة الموارد البشرية (Human Resource Management) وتنمية الموارد البشرية ( Human Resource Development )
لأن البعض بيخلط بينهم لأن هما الاتنين ليهم علاقة بالعنصر البشرى
طيب نبدأ نعرف بشكل سريع الراجل بتاع الـ HRD ده بيعمل ايه ؟
هو اللى بيساعد الناس او الموظفين انهم يطوروا مهاراتهم الشخصية والتركيز على الذات وبناء الشخصية وتحفيزهم وبيساعدهم فى إدارة الوقت ويعطيهم الحماس و بيركز على السلوكيات الخاصة بالبشر لأن تنمية الموارد البشرية مرتبطة بعلم النفس و العلوم الانسانية .
طب إيه أهمية إدارة الموارد البشرية فى أى منظمة ؟
بإختصار هى إدارة إستراتيجية بتحقق أهداف ورؤية المنظمة
والـHR هو حلقة الوصل بين الموظفين والمنظمة .. يعنى إزاي
هو اللى بيضمن حصول الموظفين على حقوقهم من الشركة وفى نفس الوقت تنفيذ أهداف الشركة
طيب دلوقتى لما نلاقى حد بيتكلم فى تنمية المهارات الشخصية وإدارة الوقت يبقى ده تنمية بشرية
ركز معانا بقى عشان نبدأ فى الشغل التقيل
عايزين نعرف هو الـHR فى أى شركة المفروض بيعمل إيه !!؟
أو إيه وظائف إدارة الموارد البشرية ؟
1- التخطيط
2- التوظيف
3- تحليل الوظائف
4- الاختيار والتعيين
5- المقابلات
6- المرتبات
7- التدريب
8- تقييم الاداء
9- المزايا والتعويضات
10- الاجور والمرتبات
طيب المسميات الوظيفية أو انا لما أكون HR لما اترقى فى الشغل هبقى ايه
اول ما هتبدأ الشغل لما تتخرج هتكون HR Coordinator / HR Assistant
بيعمل ايه بقى ده بيشارك فى التخطيط واعداد البرامج التنفيذية لادارة الموارد البشرية وينفذها وبيسجل جميع قرارات التعيين والفصل والاستقالات والاجازات وبيعمل كشوف الترقيات والمرتبات ومسئول عن حفظ ملفات العاملين وبيكتب تقارير التقييم السناوية ومسئول عن متابعة الحضور والانصراف والغياب للموظفين .
وبعد كده HR Specialist
وده بيكون متخصص فى وظيفة او اكثر زى التدريب او التوظيف او التقييم وممكن الـHR Specialist يتسمى باسم التخصص او المهمة اللى بيعملها زى :
– Recruiter وده بيكون مسئول عن الاختيار والتعيين
– Training & Developmentt وده بيكون مسئول عن التدريب وتطوير مهارات العاملين
– Compensation and Benefits Specialistt وده مسئول عن المزايا والتعويضات
– HRIS Specialistt وده مسئول عن النظام المستخدم فى ادارة الموارد البشرية زى الـ SAP,Oracal
وبعدين Senior HR Specialist وده بيبقى بنفس اختصاصات الـ HR Specialist بس بيكون معاه صلاحيات اكتر لانه بيكون المدير المباشر ليهم
وبعد كده هتكون HR Supervisor وده مشرف موارد بشرية
هو اللى بيشرف على الـ Orientation و الـ applicant interviews و الـ Retirement Workshop والتواصل مع الادارات الاخرى بغرض تقديم المعلومات والمساعدة وبينسق عملية التوظيف وهو اللى بيقيم البرامج التدريبية 
وبعد كده هتبقى HR Assistant Manager وده بقى مساعد مدير الـHR
وبعدين grin emoticon وهتكون HR Manager وده مسئول عن عمل الوصف الوظيفى لكل الوظائف وبيتابع تقييم الاداء وبيعمل ميزانية الاجور وبيختار المقبولين فى الوظائف وبيتابع التطورات فى سوق العمل وبيشرف على برامج التدريب للموظفيين وهو المسئول عن كل الوظائف بقى بتاعه الاتش ار
هتترقى بعد كده وتبقى Senior HR Manager وده كبير مديرين الـHR
وبمجهودك وشطارتك هتبقى بإذن الله HR Director وده مدير ادارة الموارد البشرية
وبيشرف على الاتش ارجية اللى شغالين فى ادارة الموارد البشرية فى الشركة وبيقدم التوصيات لباقى الادارات وبيقييم وبيشارك فى تنمية مهارات الموظفيين
وهتوصل بقى لـ Vice President وده نائب رئيس الشركة
وبيشرف على كل اللى احنا اتكلمنا عليهم دلوقتى عشان يضمن تطبيق سياسات الشركة وهو اللى بيشرف على وضع الميزانية